Ds E-Recrui­ting Sys­tem für jedes Ungernähme.

Ostendis Präsentation "E-Recruiting - Isatz i KMUs"
Pack itz d'Chance u digitalisier eine vode wichtigschte HR-Prozässe! Mir zeige dir inerä persönleche Online-Präsentation, wi das problemlos glingt u weli Entlaschtig du im Rekrutierigsprozäss darfsch erwarte!

Fougendi Organisatione si am Wettbewärb dür Ostendis ä Schritt vorus:

Was isch Ostendis?

Ostendis isch diä E-Recruiting-Lösig wode Steueinserat chasch publizierä (Muliposting) u aui Bewärbige vo übereau här eifach chasch verarbeite. Du bruchsch für das nume ä Internetzuegang.

Du chasch d'Effiziänz im Bewärbigsprozäss ganz eifach steigere u spahrsch drbi ersch no Zyt u Choschte. Unübersichtlechi Excel-Lischtene si auso Vergangeheit.

Was isch Ostendis?

Bewärbigskanäu

CVdropper™ 
E-Mail 
Ostendis 
Papier 
Witeri 

Kes Be­wär­bigs­formular!

Ostendis isch di einzegi cloud-basierti E-Recruiting-Lösig, wo kes abschreckends Bewärbigsformulär het! Du bruchsch für Ostendis auso ke Änderige a dire Ungernähmessite z'mache.

Bewärbigsungerlage bechunsch über di gwohnte Bewärbigskanäu über, z.B. per E-Mail oder mitem nöiartige Ostendis CVdropper™.

Meh Zyt füre Mönsch

Hesch oh scho 50, 100 oder sogar 200 Bewärbige ufene Steueusschribig becho? Dr zitlech Ufwand füre Rekrutierigsprozäss cha i däm Fau enorm höch si.

Ostendis reduziert dr adminischtrativ Bearbeitigsufwand nachere Studie mit üsne Chunde bis zu 64%. Gwinn dür das meh Zyt füre Chärn vor Sach - dr Mönsch!

D'Reputation steigere

Bir Suechi nach Mitarbeiter spiut dr Ruef vor Ungernähmig ä grossi Roue. Desto besser dä isch, desto eifacher fingsch oh di nötige Fachchräft. Wöu Steuesuechendi tusche sech hüt online intensiv über ihri Bewärbigserfahrige us.

D'Ostendis E-Recruiting-Lösig ungerstützt di bir professionelle Kommunikation mit de Steuesuechendä. Di füehle sech dür das ärnscht gno, was wiederum positivi Bewärtige vo dim Ungernähme uf Bewärtigsplattforme wie z.B. Kununu git.

Ostendis lohnt sech für jedes Ungernähme!

Profitier vo üsem einzigartige Prismodäu: Nume denn zahle, wede oh ä Steu muesch bsetzte.

Itz wird ä professionelli Bewärbigsverwautig (ATS) ändlech oh für chlini u mittleri Ungernähme zuegänglech, wo nid durchgängig offnegi Steue z'bsetzä hei. Profitier vo Choschteisparige vo bis zu 58% bim Isatz vo Ostendis aus E-Recruiting-Lösig.

Chlises Ungernähme (bis ca. 50 Mitarbeiter)
Mittlers Ungernähme (ab ca. 50 bis ca. 500 Mitarbeiter)
Grössers Ungernähme (ab ca. 500 Mitarbeiter)

Mir schütze dini Date so aus wäres üsi!

Dini Date wärde uf üsne eigete Server gspicheret, womer i überwachte Datezäntre betribe. Das isch i dr Schwiz (Cham ZG) u wird oh vo Banke mit dä höchschte Sicherheitsstandards brucht.

Säubstverständlech wärde aui Date verschlüsslet über z'Internet transportiert. Usserdäm garantiere mir d'Dateverarbeitig nach dä aktuelle Dateschutzgsetz ir Schwiz u vor EU (CH-DSG, EU-DSGVO).

Ds spricht für Ostendis

  •  Mä gwinnt wäuts viu Zyt im Rekrutierigsprozäss
  •  Persönleche, choschtelose Support (Telefon, Mail, Chat)
  •  Mir schütze dini Ungernähmensdate vor Hacker-Agriffe
  •  Installatione si kener nötig - fang hüt no ah!
  •  EU-DSGVO konform / Schwizer Datenschutz u Hosting
  •  30 Täg unverbindlech teschtä mit aune Funktione!
  •  Intuitivi u eifachi Bedienig
  •  Ke Investitionschoschte
  •  Du zausch Ostendis nume wedes bruchsch
  •  Software "Made in Switzerland"

Wetsch i Zuekunft oh schneuer u eifacher rekrutiere?

Gönn dir äs Kaffi

u la dir drbi Ostendis ire churze, unverbindleche Präsentation über z'Internet dür üsi E-Recruiting-Spezialistin la zeige.

Itz Präsentation veribare

oder

Registriere - fertig - los!

Du hesch aktuell ä offnegi Steu z'bsetztä? De nütz am beschte d'Glägeheite, Ostendis komplett choschtelos z'teschtä!

Itz Ostendis 30 Täg choschtelos teschtä